Rák og útskifting í Sundalagnum
Endamálið við verkætlanini Rákið í Sundalagnum er at lýsa rák og útskifting í Sundalagnum.
Økið framvið Sundalagnum hýsir nógvum íbúgvum og nógvari vinnu á sjógvi og landi. Eisini eru fleiri virkin aliøki av Eiði og suður á Gulan, ið kunnu ávirka livfrøðina í Sundalagnum. Byggingin av vatnorkuverkinum á Eiði kann metast at vera størsta einstaka manngjørda broytingin í Sundalagnum. Nú rennur munandi meira feskvatn í Sundalagið norðan fyri Streym; vatn ið fyrr rann í Funningsfjørð og í Sundalagið suður. Hóast munandi intriv í leiðingina av ferskum vatni eru ongar nýggjar kanningar gjørdar í økinum.
Verkætlanin hevur ein myndlapart og ein mátipart.
Myndlaparturin er PhD verkætlan har ein havmyndil verður settur upp fyri Føroyar og Sundalagið. Føroyski myndilin FarCoast byggir á myndlarnar ROMS, ið verður nógv brúktur altjóða, og á NorKyst, ið er mentur til norsku firðirnar.
Í mátipartinum verða hydrografiskar mátingar, av hita, salti, gróðri og ilt, gjørdar. Hesar dátur verða bruktar til at lýsa rák og útskifting, og eisini til at eftirkanna myndilin.
