Hvussu nógvar lýs detta av fiskinum í samband við avlúsing
Vandin fyri at lús detta av fiskinum áðrenn hann verður avlúsaður og smittar annan fisk var kannaður. Bæði laksalús og seiaðlús detta av fiskinum, men tað er sera óvanligt at vaksnar laksalýs smitta aðrir aliringar ella onnur alibrúk. Hinvegin er seiðalúsin sera flytfør og smittar í stóran mun við at vaksnar lýs smitta millum fisk
Vanliga smittar laksalús við at naupliur klekjast úr eggstreingjum á vaksnum laksalýs sum eru á laksafiski. Hesar reka við streyminum og búnast til ein copepodid sum síðan kann seta seg á ein fisk og búnast víðari. Í samband við avlúsing av alifiski verður fiskurin trongdur áðrenn hann verður pumpaður uppá avlúsingarbátin. Ímeðan fiskurin er trongdur kunnu vaksnar og flytførar lýs detta av fiskinum og møguliga kunnu hesar smitta annan alifisk. Í hesi verkætlan kannaði Firum í samstarvi við Bakkafrost hvussu nógvar lýs detta av fiskinum í samband við avlúsing umframt at lúsateljingar frá 2016-2024 vóru nýttar at kannað hvussu stórur partur av lúsasmittuni stavaði frá flytførum og vaksnum lýs sum skiftu vert.
Høvuðsúrslit
Seiðalýs detta í nógv størri mun av alifiskinum enn laksalýs
22% av teimum stóru flytføru laksalýsnum detta av fiskinum um tíman, meðan fiskurin verður trongdur. Vaksnar honir detta ikki líka lætt av fiskinum
Tað er sera óvanligt at vaksnar ella flytførar laksalýs smitta millum alibrúk ella aliringar
44% av smittuni við seiðalús á alifiski stavar frá vaksnum lýs sum koma frá øðrum fiski
