Undankanning í sambandi við kræklingaaling
Í sambandi við at Kaldbaksfjørður eftir ætlan skuldi bjóðast út til kræklingaaling, heitti Heilsufrøðiliga starvsstovan á Firum um at lýsa rákið og útskiftingina á fjørðinum.
Úrslitini vístu, at sjógvurin út eftir fjørðinum var sera einsháttaður. Eisini var lítil munur á sjónum innanfyri gáttina og uttanfyri.
Útskiftingin av sjónum í Kaldbaksfirði er fyrst og fremst drivin av estuarinum ráki við tveimum løgum, har feskvatn rennur út í erva og sjógvur uttanífrá verður sogin inn í neðra. Um summarið er minni avfall og útskiftingin var minni. Tá sást ein trýlagslagdeiling á fjørðinum við avlæstum botnlagi.
Mikrobiellar kanningar bendu á, at størsta dálkingarkeldan var avrenning frá landi heldur enn kloakkleiðingar. Hetta var allarhelst dálking frá djórahaldi og taðing á landi, ið varð skolað í fjørðin við avfalli.
Størsti vandin fyri langtíðardálking er um summarið, um tað fyrst er stórt áarføri og síðani turkur.
