Hjálp okkum at kenna føroyska sílið, og ver við í lutakastinum um 10.000 skattafríar krónur
Vitanin um føroysk sjósíl er í einari mennandi tilgongd. Firum hevur síðan 2019 kannað føroysk sjósíl. Higartil eru vit millum annað komin til ta vitan, at føroysk sjósíl hava eitt miðal fiskaBMI á 0,94. Sílini eru í meðal 34,2cm til longdar og viga í miðal 539gr.
Eitt fiska-BMI á 0,8 er rakur fiskur, á 1,0 er "vanligur" fiskur, og 1,2 er feitur fiskur.
Hendan vitan er komin til vega frá sílafiskarum, sum gjøgnum árini hava verið so hjálpsamir at uppmáta sílini og taka roðslu og senda hana í einum serliga framleiddum brævbjálva.
Eitt av endamálunum við hesi verkætlan, sum Havbúnaðarfelagið fíggjar, er at kenna tann føroyska sílastovnin.
Øll tey, ið lata roðsluroyndir og uppmátingar og senda Firum brævbjálvan, eru við í lutakastinum um 10.000 skattafríar krónur.
Freistin at lata Firum brævbjálvan er 01. desember 2024. Drigið verður millum allar innkomnu brævbjálvarnar tann 13. desember 2024.
Brævbjálvarnir eru at fáa í hesum støðum:
- Magn, Trongisvágur
- Niclasen, Sørvágur
- Hjá Rólant, Sandur
- Jógvan Weihe, Tórshavn
- Effo, Kollafjørður
- Effo, Skálafjørður
- Stanley, Norðskáli
- Berglon, Klaksvík
- Berglon, Runavík
Fleiri upplýsingar kunnu fáast við at seta seg í samband við Kirstin Eliasen, deildarleiðara og granskara á Fiskaaling.
> Vegleiðing til tøku av roðslu og útfylling av brævbjálvum
