Nýggjur nevndarformaður í Fiskaaling

Áaðalfundinum í P/F Fiskaaling, sum varð hildin við Áir 7. mars 2016, vórðu tveir nevndarlimir skiftir út. Arne Poulsen, sum umboðaði Vinnumálaráðið, og Jonhard Eysturskarð, sum var starvsfólkavalt umboð, fóru út nevndini, og í teirra stað vórðu vald Jan Mortenssen og Gunnvør á Norði. Eftir aðalfundin var nevndarfundur, har nevndin skipaði seg, við Jan Mortensen sum formanni. Hann tekur við eftir Kristoffur Laksá, sum ynskti at verða loystur úr formanssessinum og halda fram sum vanligur nevndarlimur. Nevndin í P/F Fiskaaling er nú soleiðis mannað: Jan mortensen, formaður Kristoffur Laksá Turid Mørkøre Gudny Vang Leif av Reyni Erhard Joensen Gunnvør á Norði, starvsfólkaumboð Søkt hevur verið eftir nýggjum stjóra til Fiskaaling. Umsókirnar vórðu sendar grannskoðara felagsins, og umsóknarfreistin var úti 1. mars. Á nevndarfundinum fekk nevndin handaðar umsóknirnar frá grannskoðaranum. 12 umsóknir eru komnar til stjórastarvið á Fiskaaling, og nevndin fer nú at viðgera tær.